Бензиннің әділ бағасы: Ресеймен паритет

Жуырда Ресейден оралдым. Әрине, бензин бағасына назар аудардым. Ең арзан АИ 92 маркалы бензиннің 1 литрі 34 рубль немесе 185 теңге тұрады. Салық құрамдас бөліктеріндегі айырмашылықты ескере отырып, оның теңгемен қанша болатынын есептеу үшін 185 теңгені 1,18-ге бөліп, одан 41 алу керек, сонда 116 теңге шығады. Бұл — ресейлік салықтардан тазартылған ЖЖМ құны. Осы құнға қазақстандық акциз 8 теңгені қосып, 1,12-ге (ҚҚС) көбейтеміз де, 139 теңге аламыз. Бұл — Қазақстандағы ЖЖМ-нің бөлшек сауда құны. Жеткізу, трейдерлердің үстемесі және өзге де шығындар шамамен тең. Бір ғана нәрсені ескеру қажет: Ресейде төленген ҚҚС қатып қалады, ол болашақта бюджеттен өтелуге жатады. Ресейде экспорттық ҚҚС-ты қайтару рәсімі біздікінен жақсы емес, сондықтан, әдетте, осы себепті сату бағасы ішкі бағалармен салыстырғанда артады. Қорытындысында, Қазақстандағы ЖЖМ-нің әділ бағасы 1 литр үшін 140-145 теңге диапазонында болады. Егер бағам 5,6-дан 5,42-ге дейін нығаймаса, баға 3 пайызға немесе литріне шамамен қосымша 4-5 теңгеге жоғары болар еді. Сондықтан бензиннің қазіргі қымбаттауы тек мыналарды ғана көрсетеді:

1. Ресейде бензиннің қымбаттауын
2. Теңге бағамының Ресей рубліне қатысты төмендеуін, одан артық ештеңені емес.

Мәселенің бәрі мынада: бізде мұнай өңдеу мен мұнай трейдингінің жүйесі ең мөлдір емес, ең кемшілігі көп және ең жабық жүйе. Бұл саланы түбегейлі реформалау қажет, ал қазіргі жағдайда мұны жасау өте қиын болады.

Ал осы жағдай жалғасып жатқанда, ЖЖМ бағасына таңданбау үшін Ресейдегі бағаларды қадағалап отырыңыздар)