Өз қазанында қайнаған тағайындалғандар

Қазір мемлекеттік қызмет саласындағы мемлекеттік саясат кадрларды мемлекеттік құрылымдардың ішінен өсіруге бағытталған. Қызметкерлер жүйенің ішінде өседі.

Ең қабілеттілері үшінші сортты батыс университетінің дипломын алып, баспалдақпен жоғары көтеріледі, ал әрбір тағайындау олар үшін алға жасалған бір қадам. Осылайша, қадамдап отырып, вице-министр, министр, Президент Әкімшілігі бөлімдерінің басшысы және т.б. болады. Бұл — мемлекеттік саясатты қазірдің өзінде қалыптастырып отырған, еліміздің болашақ дамуы соларға тәуелді адамдар. Таңқаларлығы сол, маған жуырда үкіметте өндіріс секторында, бизнесте, денсаулық сақтауда, мектепте, ғылымда, ауыл шаруашылығында кемінде екі-үш жыл жұмыс істеген бірде-бір адам қалмайтындай көрінеді. Ал бұлар — проблемаларды ішінен білетін, қарапайым жұмысшының, дәрігердің, мұғалімнің, фермердің немесе шағын кәсіпкердің олардан не күтетінін түсіне алатын адамдар.

Қазіргі «батысшыл» шенеуніктер кімдер? Бұлар аудармашыға шығынданбай-ақ, IRR мен NPV-ді айыра алатын адамдар. Сонымен қатар отандық шенеуніктердің екінші және үшінші буыны астыртын ойындарды жақсы біледі: кіммен дос болу керек, кімге үйлену керек. Ең бастысы — олар кез келген сандардан әдемі есеп жасай алады.

Совхоз директоры, шахтер немесе дәрігер министр болатын заман өтті. Қазір министрдің басты міндеті — жер жырту, зауыт салу, экономиканы көтеру емес. Басты міндет — өз қызметкерлеріне дұрыс KPI құру. Бұдан не шығатынын көреміз, бірақ мемлекеттік қызметтің құрылымын өзгертетін уақыт келді деп ойлаймын. Меніңше, мұнда технократтар мен бизнес және жеке сектор өкілдері көбірек керек.

Мемлекеттік қызметтің қазіргі саясатының 15 жылында ауқымды әрі тұжырымдамалық реформаларды мен көрген жоқпын.